Еуропа Прима Продукција
Освен наставните програми, активностите на Универзитетот за аудиовизуелни уметности, преку својата ЕФА Продукција, се насочени и кон изработка на документарни и играни филмски проекти, телевизиски емисии, како и организирање на воркшопови, фестивали, филмски ревии, театарски претстави, организирање на посети на големи имиња од светската театарска и филмска сцена итн.
До сега гости на Универзитетот биле значајни светски имиња од областа на театарот, музиката и филмот, како што се: Клод Лелуш, Маноел Де Оливеира, Јиржи Менцел, Шарл Азнавур, Боро Драшковиќ, Желимир Жилник, Иво Трајков итн.
Дел од изработените проекти се Фестивалот на Францускиот Филм во Охрид кој што веќе три години по ред се одржува во јули, “Прославата по повод 100 години од раѓањето на великанот Кочо Рацин”, “Македонскиот јазик во глобалниот свет” – документарен филм, “Археолошките знаци на Макеоднија” – документарна серија од 17 епизоди која што наскоро ќе биде прикажана на една од ТВ станиците и секако во дел од најзначајните активности се вбројува и организацијата на фестивалот “Актерот на Европa”.