Во рамките на својата научно-истражувачка дејност Институтот за аудиовизуелни студии и дигитална заштита при ИУ Еуропа Прима го издава научното списание за аудиовизуелни уметности „Линк“.
„Линк“ претставува платформа врз која се остварува соработката на планот на аудиовизуелните уметности меѓу Република Македонија, балканските и европските земји, преку лоцирање на придонесот во развојот на севкупните културни и општествено политички односи, односно придонесот на релевантните чинители од Европа во развојот на современата медиумска сцена.
Во таа смисла се покажа важноста на оваа улога на списанието „Линк“, како патот за севкупна меѓусебна соработка помеѓу Република Македонија и европските земји во евроинтегративните процеси. Оваа идеја што денес е реалност, меѓу другото е резултат на инцијативите од еминентни културни дејци и интелектуалци, на институции од областа на културата во насока на интензивирање и развивање на меѓудржавната соработка.